wo jo ek tanha shair tha

vo jo ik tanhā shā.ir thā

tanhā hī ġham kā lashkar thā

tum ko pā kar ham ne jaanā

tum ko kho denā behtar thā

ham ne jab jab use pukārā

jaane rab kā dhyān kidhar thā

ham ne jis ko chāhat samjhā

vo bas tanhā.ī kā Dar thā

yādeñ frame karā rakkhī thiiñ

dil bhī ek ajā.ib-ghar thā

'zīst' taḳhallus rakkhā ham ne

ham ko mar jaane kā Dar thā

wo jo ek tanha shair tha

tanha hi gham ka lashkar tha

tum ko pa kar hum ne jaana

tum ko kho dena behtar tha

hum ne jab jab use pukara

jaane rab ka dhyan kidhar tha

hum ne jis ko chahat samjha

wo bas tanhai ka Dar tha

yaaden frame kara rakkhi thin

dil bhi ek ajaib-ghar tha

'zist' taKHallus rakkha hum ne

hum ko mar jaane ka Dar tha