wo jo surat thi sath sath kabhi surKH mahke gulab ki surat
vo jo sūrat thī saath saath kabhī surḳh mahke gulāb kī sūrat
us kī yādeñ utartī rahtī haiñ zehn-o-dil pe azaab kī sūrat
ye ravayya sahī nahīñ hotā yuuñ hameñ kashmakash meñ mat Daalo
yā hameñ sach kī tarah apnā lo yā bhulā bhī do ḳhvāb kī sūrat
us ne an-dekhā an-sunā kar ke be-ta.alluq kiyā hai to ab ham
us kī tasvīr se nikāleñge āñsuoñ ke hisāb kī sūrat
apnī jhūTī anā kī bātoñ meñ aa ke us ko sulā to baiThe haiñ
ab haiñ sahrāoñ ke musāfir ham aur vo sūrat sarāb kī sūrat
wo jo surat thi sath sath kabhi surKH mahke gulab ki surat
us ki yaaden utarti rahti hain zehn-o-dil pe azab ki surat
ye rawayya sahi nahin hota yun hamein kashmakash mein mat Dalo
ya hamein sach ki tarah apna lo ya bhula bhi do KHwab ki surat
us ne an-dekha an-suna kar ke be-talluq kiya hai to ab hum
us ki taswir se nikalenge aansuon ke hisab ki surat
apni jhuTi ana ki baaton mein aa ke us ko sula to baiThe hain
ab hain sahraon ke musafir hum aur wo surat sarab ki surat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
