wo kaam kijiye jo pasand aae chaar ke

vo kaam kījiye jo pasand aa.e chaar ke

lamhāt-e-musta.ār nahīñ e.atibār ke

dil liije jaan liije sitam kījiye magar

ta.ane haiñ nāgavār hameñ baar baar ke

aa.eñ na aa.eñ aap ko ab iḳhtiyār hai

ham to chale haiñ kaaT ke din intizār ke

jo kuchh haiñ daaġh aaj ruḳh-e-māhtāb par

vo naqsh to nahīñ haiñ dil-e-dāġh-dār ke

puḳhta agar hoñ apne azā.em to jān-e-man

unvān hī badal deñ ġham-e-rozgār ke

shauq-e-shikār ho to baneñ māhir-e-shikār

varna shikār hoñge bajā.e shikār ke

lā sāqiyā bazūd pilā ab sharāb-e-nāb

varna guzar na jaa.eñ kahīñ din bahār ke

'ḳhākī' har ek sher murassā hai is liye

hāsid bhī daad deñge yaqīnan pukār ke

wo kaam kijiye jo pasand aae chaar ke

lamhat-e-mustaar nahin eatibar ke

dil lije jaan lije sitam kijiye magar

tane hain nagawar hamein bar bar ke

aaen na aaen aap ko ab iKHtiyar hai

hum to chale hain kaT ke din intizar ke

jo kuchh hain dagh aaj ruKH-e-mahtab par

wo naqsh to nahin hain dil-e-dagh-dar ke

puKHta agar hon apne azaem to jaan-e-man

unwan hi badal den gham-e-rozgar ke

shauq-e-shikar ho to banen mahir-e-shikar

warna shikar honge bajae shikar ke

la saqiya bazud pila ab sharab-e-nab

warna guzar na jaen kahin din bahaar ke

'KHaki' har ek sher murassa hai is liye

hasid bhi dad denge yaqinan pukar ke