wo kaise jaan gaya maine kuchh kaha bhi nahin

vo kaise jaan gayā maiñ ne kuchh kahā bhī nahīñ

asar duā meñ nahīñ hai to vo duā bhī nahīñ

mirī sadā kā yaqīnan ye vāqi.a bhī nahīñ

sukūn-e-dil ke liye lab pe ab duā bhī nahīñ

mirī ġhazal meñ ujāloñ kā tazkira bhī nahīñ

ḳhayāl aisā kisī ne mujhe diyā bhī nahīñ

baḌe ḳhalīq paḌosī to haiñ mahalle ke

magar kisī kā koī dard jāntā bhī nahīñ

ye raushnī kī kiran kis tarah yahāñ aa.ī

mire makān meñ rauzan koī banā bhī nahīñ

ajiib baat hai mahfil meñ chhā gayā hai sukūt

maiñ ḳhush-gulū bhī nahīñ aur ḳhush-navā bhī nahīñ

nuqūsh-e-zaḳhm haiñ kitne maiñ dekhtā kaise

nazar ke sāmne shaffāf aa.ina bhī nahīñ

wo kaise jaan gaya main ne kuchh kaha bhi nahin

asar dua mein nahin hai to wo dua bhi nahin

meri sada ka yaqinan ye waqia bhi nahin

sukun-e-dil ke liye lab pe ab dua bhi nahin

meri ghazal mein ujalon ka tazkira bhi nahin

KHayal aisa kisi ne mujhe diya bhi nahin

baDe KHaliq paDosi to hain mahalle ke

magar kisi ka koi dard jaanta bhi nahin

ye raushni ki kiran kis tarah yahan aai

mere makan mein rauzan koi bana bhi nahin

ajib baat hai mahfil mein chha gaya hai sukut

main KHush-gulu bhi nahin aur KHush-nawa bhi nahin

nuqush-e-zaKHm hain kitne main dekhta kaise

nazar ke samne shaffaf aaina bhi nahin