wo kaj-kulah jo kabhi sang-bar guzra tha

vo kaj-kulah jo kabhī sañg-bār guzrā thā

kal is galī se vahī sogvār guzrā thā

koī charāġh jalā thā na koī dar vā thā

sunā hai raat ga.e shahryār guzrā thā

guhar jab aañkh se Tapkā zamīñ meñ jazb huā

vo ek lamha baḌā bā-vaqār guzrā thā

jo tere shahr ko gulgūñ bahār baḳhsh gayā

qadam qadam ba-sar-e-nok-e-ḳhār guzrā thā

vo jis ke chehre pe lipTā huā tabassum thā

chhupā.e hasrateñ dil meñ hazār guzrā thā

jise maiñ apnī sadā kā javāb samjhā thā

vo ik faqīr thā kar ke pukār guzrā thā

tire baġhair baḌe be-qarār haiñ 'āsī'

tirā vajūd jinheñ nāgavār guzrā thā

wo kaj-kulah jo kabhi sang-bar guzra tha

kal is gali se wahi sogwar guzra tha

koi charagh jala tha na koi dar wa tha

suna hai raat gae shahryar guzra tha

guhar jab aankh se Tapka zamin mein jazb hua

wo ek lamha baDa ba-waqar guzra tha

jo tere shahr ko gulgun bahaar baKHsh gaya

qadam qadam ba-sar-e-nok-e-KHar guzra tha

wo jis ke chehre pe lipTa hua tabassum tha

chhupae hasraten dil mein hazar guzra tha

jise main apni sada ka jawab samjha tha

wo ek faqir tha kar ke pukar guzra tha

tere baghair baDe be-qarar hain 'asi'

tera wajud jinhen nagawar guzra tha