wo kaun hai jo yahan shadman nahin milta

vo kaun hai jo yahāñ shādmāñ nahīñ miltā

tirī galī meñ kahīñ āsmāñ nahīñ miltā

maiñ kis se vādī-e-ġhurbat meñ rāsta pūchhūñ

luTā huā bhī koī kārvāñ nahīñ miltā

nigāh-e-yār bhī uqda-kushā-e-dil na huī

mirī ḳhalish kā koī rāz-dāñ nahīñ miltā

jabīn-e-shauq kī kam-vus.atī kā bhī hai qusūr

yahī nahīñ ki tirā āstāñ nahīñ miltā

jahāñ meñ kuchh bhī nahīñ mā-sivā-e-ranj-o-alam

mire nasīb kā likkhā kahāñ nahīñ miltā

zamīn-e-sher kī dushvāriyoñ kā ḳhauf nahīñ

maiñ apne rang meñ 'hādī' kahāñ nahīñ miltā

wo kaun hai jo yahan shadman nahin milta

teri gali mein kahin aasman nahin milta

main kis se wadi-e-ghurbat mein rasta puchhun

luTa hua bhi koi karwan nahin milta

nigah-e-yar bhi uqda-kusha-e-dil na hui

meri KHalish ka koi raaz-dan nahin milta

jabin-e-shauq ki kam-wusati ka bhi hai qusur

yahi nahin ki tera aastan nahin milta

jahan mein kuchh bhi nahin ma-siwa-e-ranj-o-alam

mere nasib ka likkha kahan nahin milta

zamin-e-sher ki dushwariyon ka KHauf nahin

main apne rang mein 'hadi' kahan nahin milta