wo kaun si hai ja tera jalwa jahan nahin

vo kaun sī hai jā tirā jalva jahāñ nahīñ

ka.aba kalīsā dair-o-haram meñ kahāñ nahīñ

ham banda-e-talab haiñ hamārā makāñ nahīñ

jis sarzamīñ ke ham haiñ vahāñ āsmāñ nahīñ

mujrim to baat karte haiñ baḌh chaḌh ke har jagah

hotī hai be-qusūr ke muñh meñ zabāñ nahīñ

jab bhī khulī zabāñ to nafī meñ khulī tirī

kyā hai luġhāt-e-husn meñ ye lafz haañ nahīñ

yā-rab ho ḳhair ham pe vo itnā ḳhafā hai kyoñ

khā.īñ raqīb ne to na.ī chuġhliyāñ nahīñ

rūdād-e-hijr tum ko sunā.ūñ 'jalāl' kyā

tashrīh ke liye mire muñh meñ zabāñ nahīñ

wo kaun si hai ja tera jalwa jahan nahin

kaba kalisa dair-o-haram mein kahan nahin

hum banda-e-talab hain hamara makan nahin

jis sarzamin ke hum hain wahan aasman nahin

mujrim to baat karte hain baDh chaDh ke har jagah

hoti hai be-qusur ke munh mein zaban nahin

jab bhi khuli zaban to nafi mein khuli teri

kya hai lughat-e-husn mein ye lafz han nahin

ya-rab ho KHair hum pe wo itna KHafa hai kyon

khain raqib ne to nai chughliyan nahin

rudad-e-hijr tum ko sunaun 'jalal' kya

tashrih ke liye mere munh mein zaban nahin