wo KHwab KHwab faza wo nagar kisi ka tha

vo ḳhvāb ḳhvāb fazā vo nagar kisī kā thā

musāfirat to mirī thī safar kisī kā thā

nazar-gurez rahīñ is tarah mirī āñkheñ

ki jaise merā nahīñ merā ghar kisī kā thā

lahū to merā chhupā thā kalī kī muTThī meñ

khule gulāb pe haqq-e-nazar kisī kā thā

bahut buland mirī pāsbāñ fasīleñ thiiñ

dhaḌakte dil ko mire phir bhī Dar kisī kā thā

ye haath paañv mire the zabān merī thī

jo de rahā thā ishāre vo sar kisī kā thā

wo KHwab KHwab faza wo nagar kisi ka tha

musafirat to meri thi safar kisi ka tha

nazar-gurez rahin is tarah meri aankhen

ki jaise mera nahin mera ghar kisi ka tha

lahu to mera chhupa tha kali ki muTThi mein

khule gulab pe haqq-e-nazar kisi ka tha

bahut buland meri pasban fasilen thin

dhaDakte dil ko mere phir bhi Dar kisi ka tha

ye hath panw mere the zaban meri thi

jo de raha tha ishaare wo sar kisi ka tha