wo KHwabon ke aazar jhele magar bar-e-duniya na jhele

vo ḳhvāboñ ke āzār jhele magar bār-e-duniyā na jhele

jo dukh maiñ ne jhele haiñ allah kare merā beTā na jhele

duā hai ki ham-rūh mil jaa.e har ek ko apnā apnā

agar jhelnā bhī paḌe koī ġham to akelā na jhele

tamāshā banāne se pahle tumheñ ilm thā dil ke baare

ki tanhā.ī to jhel legā magar ye tamāshā na jhele

tum aao agar dekhne ke liye apne vahshī kī hālat

to pathrā.ī āñkhoñ se bas dekhnā ye dilāsā na jhele

koī aa.ine ke chaTaḳhne pe is darja hairān kyoñ ho

vo jādūī partav bhalā kis tarah koī ā.īna jhele

wo KHwabon ke aazar jhele magar bar-e-duniya na jhele

jo dukh main ne jhele hain allah kare mera beTa na jhele

dua hai ki ham-ruh mil jae har ek ko apna apna

agar jhelna bhi paDe koi gham to akela na jhele

tamasha banane se pahle tumhein ilm tha dil ke bare

ki tanhai to jhel lega magar ye tamasha na jhele

tum aao agar dekhne ke liye apne wahshi ki haalat

to pathrai aankhon se bas dekhna ye dilasa na jhele

koi aaine ke chaTaKHne pe is darja hairan kyon ho

wo jadui partaw bhala kis tarah koi aaina jhele