wo koi gustaKH pagal manchala tha main na tha

vo koī gustāḳh pāgal manchalā thā maiñ na thā

aap ko chheḌā thā jis ne dūsrā thā maiñ na thā

maiñ ne dānista haTā.ī kab tire ruḳh se naqāb

vo to merī 'aql par parda paḌā thā maiñ na thā

haath TūTeñ maiñ ne jo chheḌī hoñ zulfeñ aap kī

aap ke sar kī qasam dast-e-sabā thā maiñ na thā

mai-kade meñ jo gayā thā muñh chhupā kar raat ko

mohtasib ik aap jaisā pārsā thā maiñ na thā

mere hote rishta qaa.em kar liyā kyoñ ġhair se

maut aa.ī thī mujhe kyā mar gayā thā maiñ na thā

husn-e-mutlaq jalva-gar thā māsivā se peshtar

maiñ kahāñ thā mujh se pahle hī ḳhudā thā maiñ na thā

wo koi gustaKH pagal manchala tha main na tha

aap ko chheDa tha jis ne dusra tha main na tha

main ne danista haTai kab tere ruKH se naqab

wo to meri 'aql par parda paDa tha main na tha

hath TuTen main ne jo chheDi hon zulfen aap ki

aap ke sar ki qasam dast-e-saba tha main na tha

mai-kade mein jo gaya tha munh chhupa kar raat ko

mohtasib ek aap jaisa parsa tha main na tha

mere hote rishta qaem kar liya kyon ghair se

maut aai thi mujhe kya mar gaya tha main na tha

husn-e-mutlaq jalwa-gar tha masiwa se peshtar

main kahan tha mujh se pahle hi KHuda tha main na tha