wo koi sach tha ya jhuTa koi fasana tha

vo koī sach thā yā jhūTā koī fasāna thā

hameñ milā kyuuñ nahīñ jis ko ham ne chāhā thā

maiñ kyā kahūñ ki vo qātil thā yā masīhā thā

magar adāoñ se lagtā baḌā hī pyārā thā

hasīn aas ko in qurbatoñ ne toḌ diyā

sarāb niklā jise dariyā ham ne samjhā thā

mahak rahā hai abhī tak hinā.ī hāthoñ sā

hathelī pe jo mirā naam tum ne likkhā thā

mile the dost ka.ī raah meñ hasīn magar

kisī ko saath mire duur tak na chalnā thā

wo koi sach tha ya jhuTa koi fasana tha

hamein mila kyun nahin jis ko hum ne chaha tha

main kya kahun ki wo qatil tha ya masiha tha

magar adaon se lagta baDa hi pyara tha

hasin aas ko in qurbaton ne toD diya

sarab nikla jise dariya hum ne samjha tha

mahak raha hai abhi tak hinai hathon sa

hatheli pe jo mera nam tum ne likkha tha

mile the dost kai rah mein hasin magar

kisi ko sath mere dur tak na chalna tha