wo kya samjhe nazar jis ki faqat sud-o-ziyan tak hai

vo kyā samjhe nazar jis kī faqat sūd-o-ziyāñ tak hai

ki ye saudā mohabbat kā hisāb-e-dostāñ tak hai

mire naqd-o-nazar tak hai mire husn-e-bayāñ tak hai

tumhārī dāstāñ meñ rang merī dāstāñ tak hai

haram se bhī hai aage yā faqat kū-e-butāñ tak hai

ḳhudā jaane maqām-e-justujū-e-dil kahāñ tak hai

mohabbat in lavāzim par qanā.at kar nahīñ saktī

ki in sajdoñ kī manzil tere sang-e-āstāñ tak hai

diloñ kā muztarib jazba nazar kā munfa.il shikva

mirī hairat tirā ishva kināyoñ kī zabāñ tak hai

ye kis shiddat kī jumbish hai hijābāt-e-tajallī meñ

ki ik mailān-e-betābi zamīñ se āsmāñ tak hai

milegī raushnī 'ehsāñ' nazar kī gard to pochho

ki ye saarā añdherā bas ġhubār-e-kārvāñ tak hai

wo kya samjhe nazar jis ki faqat sud-o-ziyan tak hai

ki ye sauda mohabbat ka hisab-e-dostan tak hai

mere naqd-o-nazar tak hai mere husn-e-bayan tak hai

tumhaari dastan mein rang meri dastan tak hai

haram se bhi hai aage ya faqat ku-e-butan tak hai

KHuda jaane maqam-e-justuju-e-dil kahan tak hai

mohabbat in lawazim par qanaat kar nahin sakti

ki in sajdon ki manzil tere sang-e-astan tak hai

dilon ka muztarib jazba nazar ka munfail shikwa

meri hairat tera ishwa kinayon ki zaban tak hai

ye kis shiddat ki jumbish hai hijabaat-e-tajalli mein

ki ek mailan-e-betabi zamin se aasman tak hai

milegi raushni 'ehsan' nazar ki gard to pochho

ki ye sara andhera bas ghubar-e-karwan tak hai