wo kyon maghmum-o-dil-bardashta hain

vo kyoñ maġhmūm-o-dil-bardashta haiñ

ye saare zaḳhm to ḳhud-sāḳhta haiñ

vo ham par mehrbāñ be-sāḳhta haiñ

magar ham haiñ ki dil-bardashta haiñ

mire kuchh ham-safar hamrāh mere

agar haiñ bā-dil-e-nā-ḳhvāsta haiñ

uThāte haiñ vo ham par uñgliyāñ ab

jo apne sāḳhta-pardāḳhta haiñ

kahāñ ab jaa.eñ nukta-chīñ hamāre

shikasta-dil hazīmat-yāfta haiñ

mire ash.ār dil meñ kyoñ na utreñ

ki barjasta qalam-bardāshta haiñ

tum apnī raah lo nāseh na uljho

hamārā kyā hai ham jāñ-bāḳhta haiñ

ināyat kam nahīñ ham par fazā kī

baḌī had tak to ham ḳhud-sāḳhta haiñ

yahī nākāmiyāñ haiñ apnī manzil

yahī dushvāriyāñ hī rāsta haiñ

jahāñ meñ qaht-e-sulh-o-āshtī hai

jidhar dekho safeñ ārāsta haiñ

irāde haiñ 'ġhanī' sāhib kidhar ke

bahut ārāsta pairāsta haiñ

wo kyon maghmum-o-dil-bardashta hain

ye sare zaKHm to KHud-saKHta hain

wo hum par mehrban be-saKHta hain

magar hum hain ki dil-bardashta hain

mere kuchh ham-safar hamrah mere

agar hain ba-dil-e-na-KHwasta hain

uThate hain wo hum par ungliyan ab

jo apne saKHta-pardaKHta hain

kahan ab jaen nukta-chin hamare

shikasta-dil hazimat-yafta hain

mere ashaar dil mein kyon na utren

ki barjasta qalam-bardashta hain

tum apni rah lo naseh na uljho

hamara kya hai hum jaan-baKHta hain

inayat kam nahin hum par faza ki

baDi had tak to hum KHud-saKHta hain

yahi nakaamiyan hain apni manzil

yahi dushwariyan hi rasta hain

jahan mein qaht-e-sulh-o-ashti hai

jidhar dekho safen aarasta hain

irade hain 'ghani' sahib kidhar ke

bahut aarasta pairasta hain