wo mah-wash hai zamin par nazar jhukae hue

vo māh-vash hai zamīñ par nazar jhukā.e hue

sitāre baiThe raheñ mahfileñ sajā.e hue

ga.e the kitnī umañgoñ ko le ke siine meñ

jo terī bazm se uTThe to sar jhukā.e hue

hameñ bhī pyaar se dekho ki ham haiñ ḳhasta-jigar

ġham-e-zamāna ke maare hue satā.e hue

hameñ to ek nahīñ kushta-e-ma.āl-e-karam

kuchh aur bhī haiñ fareb-e-nigāh khaa.e hue

ḳhayāl-e-dūrī-e-manzil thakā bhī detā hai

chale chalo abhī aage qadam baḌhā.e hue

kabhī jo rahte the sar-mast-e-nashtar-e-ġham-e-dost

vo jā rahe ġham-e-jāñ se muñh kī khaa.e hue

wo mah-wash hai zamin par nazar jhukae hue

sitare baiThe rahen mahfilen sajae hue

gae the kitni umangon ko le ke sine mein

jo teri bazm se uTThe to sar jhukae hue

hamein bhi pyar se dekho ki hum hain KHasta-jigar

gham-e-zamana ke mare hue satae hue

hamein to ek nahin kushta-e-maal-e-karam

kuchh aur bhi hain fareb-e-nigah khae hue

KHayal-e-duri-e-manzil thaka bhi deta hai

chale chalo abhi aage qadam baDhae hue

kabhi jo rahte the sar-mast-e-nashtar-e-gham-e-dost

wo ja rahe gham-e-jaan se munh ki khae hue