wo masarrat ke saeban mein the

vo masarrat ke sā.ebān meñ the

aur ham dhuup ke makān meñ the

ab kahīñ bhī amaañ nahīñ miltī

ab se pahle hī ham amaan meñ the

pyaas vo thī ki hoñT suukh ga.e

ḳhushk kāñTe mirī zabān meñ the

ai mire dil kahāñ ga.e vo log

jo abhī apne darmiyān meñ the

phuul jhaḌte the baat karte meñ

vo parī-chehra is jahān meñ the

maiñ tumheñ DhūñDne kahāñ jaatā

tum mirī jaan merī jaan meñ the

zindagī aish se guzartī thī

aap jab tak mire gumān meñ the

wo masarrat ke saeban mein the

aur hum dhup ke makan mein the

ab kahin bhi aman nahin milti

ab se pahle hi hum aman mein the

pyas wo thi ki honT sukh gae

KHushk kanTe meri zaban mein the

ai mere dil kahan gae wo log

jo abhi apne darmiyan mein the

phul jhaDte the baat karte mein

wo pari-chehra is jahan mein the

main tumhein DhunDne kahan jata

tum meri jaan meri jaan mein the

zindagi aish se guzarti thi

aap jab tak mere guman mein the