wo mere sine se aaKHir aa laga

vo mire siine se āḳhir aa lagā

mar na jā.ūñ maiñ kahīñ aisā lagā

ret maazī kī mirī āñkhoñ meñ thī

sabz jañgal bhī mujhe sahrā lagā

kho rahe haiñ rañg tere hoñT ke

ham-nashīñ in pe mirā bosa lagā

lahr ik niklī mirī pahchān kī

Dūbte ke haath meñ tinkā lagā

kar rahā thā vo mujhe gumrāh kyā

har qadam pe rāsta muḌtā lagā

kuchh nahīñ chhoḌo nahīñ kuchh bhī nahīñ

ye na.e andāz kā shikva lagā

geñd balle par kabhī baiThī nahīñ

har dafa.a mujh se faqat konā lagā

duur jaate vaqt bas itnā kahā

saath 'kānhā' aap kā achchhā lagā

wo mere sine se aaKHir aa laga

mar na jaun main kahin aisa laga

ret mazi ki meri aankhon mein thi

sabz jangal bhi mujhe sahra laga

kho rahe hain rang tere honT ke

ham-nashin in pe mera bosa laga

lahr ek nikli meri pahchan ki

Dubte ke hath mein tinka laga

kar raha tha wo mujhe gumrah kya

har qadam pe rasta muDta laga

kuchh nahin chhoDo nahin kuchh bhi nahin

ye nae andaz ka shikwa laga

gend balle par kabhi baiThi nahin

har dafa mujh se faqat kona laga

dur jate waqt bas itna kaha

sath 'kanha' aap ka achchha laga