wo muskura ke dil-o-jaan pe war karta hai

vo muskurā ke dil-o-jāñ pe vaar kartā hai

ki ek tiir se do do shikār kartā hai

maiñ us ko dost samajhne lagā magar mujh ko

vo dushmanoñ meñ abhī tak shumār kartā hai

ḳhayāl meñ bhī na aa.e jo mere dushman ke

vo kaam mere liye merā yaar kartā hai

us aadmī se to har vaqt hoshiyār raho

jo dūsroñ se tumheñ hoshiyār kartā hai

bas ek maañ hī mirī raah dekhe hai varna

kisī kā kaun yahāñ intizār kartā hai

tamām logoñ se rahtā hai hoshiyār magar

vo 'ajnabī' pe bahut e'tibār kartā hai

wo muskura ke dil-o-jaan pe war karta hai

ki ek tir se do do shikar karta hai

main us ko dost samajhne laga magar mujh ko

wo dushmanon mein abhi tak shumar karta hai

KHayal mein bhi na aae jo mere dushman ke

wo kaam mere liye mera yar karta hai

us aadmi se to har waqt hoshiyar raho

jo dusron se tumhein hoshiyar karta hai

bas ek man hi meri rah dekhe hai warna

kisi ka kaun yahan intizar karta hai

tamam logon se rahta hai hoshiyar magar

wo 'ajnabi' pe bahut e'tibar karta hai