wo muskuraen asiran-e-rang-o-bu ke liye

vo muskurā.eñ asīrān-e-rang-o-bū ke liye

shu.ūr chāhiye phūloñ ko aarzū ke liye

shahīd-e-ḳhanda-e-gul ai asīr-e-jalva-e-mah

nazar ko garmī-e-dil chāhiye numū ke liye

ye kyā kahā sar-e-mahfil nigāh-e-qātil ne

machal rahī hai har ik shai mire lahū ke liye

uThā ke sahn-e-chaman meñ naqāb-e-lāla-o-gul

maze bahārne tash.hīr-e-rang-o-bū ke liye

faqat nazar ko charāġh-e-rah-e-talab na samajh

zarūr gumshudagī bhī hai justujū ke liye

jabīn-e-sub.h pe raushan charāġh-e-tūr nahīñ

vo aa ga.e haiñ sar-e-bām guftugū ke liye

ġhurūr-e-chāk-e-junūñ 'faiz' sar-nigūñ na huā

hazār ḳhār-e-muġhīlāñ baḌhe rafū ke liye

wo muskuraen asiran-e-rang-o-bu ke liye

shuur chahiye phulon ko aarzu ke liye

shahid-e-KHanda-e-gul ai asir-e-jalwa-e-mah

nazar ko garmi-e-dil chahiye numu ke liye

ye kya kaha sar-e-mahfil nigah-e-qatil ne

machal rahi hai har ek shai mere lahu ke liye

uTha ke sahn-e-chaman mein naqab-e-lala-o-gul

maze bahaarne tashhir-e-rang-o-bu ke liye

faqat nazar ko charagh-e-rah-e-talab na samajh

zarur gumshudagi bhi hai justuju ke liye

jabin-e-subh pe raushan charagh-e-tur nahin

wo aa gae hain sar-e-baam guftugu ke liye

ghurur-e-chaak-e-junun 'faiz' sar-nigun na hua

hazar KHar-e-mughilan baDhe rafu ke liye