wo nahin hai to zindagi kaisi

vo nahīñ hai to zindagī kaisī

is añdhere meñ raushnī kaisī

dil kī barbādiyoñ ke mātam par

zer-e-lab hai tire hañsī kaisī

kaun rah rah ke yaad aatā hai

dil meñ rahtī hai bekalī kaisī

soz-e-dil ne badan jalā Daalā

phir mire ruḳh pe tāzgī kaisī

ham-safar ho ke kārvāñ lauTā

rahbarī meñ ye rahzanī kaisī

mujh ko ehsās-e-āsmāñ na rahā

chhāñv zulfoñ kī thī ghanī kaisī

mujh se barbād-e-ishq par ai dost

mahv-e-hairat huuñ barhamī kaisī

rasm-e-duniyā ajiib hai yaaro

ġham hī ġham hai yahāñ ḳhushī kaisī

dil kī duniyā tabāh kar Daalī

ye sharārat ye dil-lagī kaisī

kis kī nazroñ meñ aa gayā maiñ 'nazīr'

mere sheroñ meñ naġhmagī kaisī

wo nahin hai to zindagi kaisi

is andhere mein raushni kaisi

dil ki barbaadiyon ke matam par

zer-e-lab hai tere hansi kaisi

kaun rah rah ke yaad aata hai

dil mein rahti hai bekali kaisi

soz-e-dil ne badan jala Dala

phir mere ruKH pe tazgi kaisi

ham-safar ho ke karwan lauTa

rahbari mein ye rahzani kaisi

mujh ko ehsas-e-asman na raha

chhanw zulfon ki thi ghani kaisi

mujh se barbaad-e-ishq par ai dost

mahw-e-hairat hun barhami kaisi

rasm-e-duniya ajib hai yaro

gham hi gham hai yahan KHushi kaisi

dil ki duniya tabah kar Dali

ye shararat ye dil-lagi kaisi

kis ki nazron mein aa gaya main 'nazir'

mere sheron mein naghmagi kaisi