wo nahin unki nigahon ka ishaara to mila

vo nahīñ un kī nigāhoñ kā ishārā to milā

ḳhush ho ai dil tujhe jiine kā sahārā to milā

aur kyā chāhiye ai dil ġham-e-jānāñ ke tufail

kahkashāñ aah ko palkoñ ko sitārā to milā

shukriya mujh ko nigāhoñ se girāne vaale

girte girte tirī bāñhoñ kā sahārā to milā

nāḳhudā se na sahī nām-e-ḳhudā se ai dost

merī TuuTī huī kashtī ko sahārā to milā

aap in āñkhoñ kī nadiyoñ ko milegā sangam

apne dāman pe zarā dhāre se dhārā to milā

tuur ke barq-e-tajallī ne kiyā ḳhaak magar

nigah-e-shauq ko halkā sā ishārā to milā

be-ruḳhī un kī girāñ laakh sahī phir bhī 'muhib'

dil ko tāqat to milī zabt ko yaarā to milā

wo nahin un ki nigahon ka ishaara to mila

KHush ho ai dil tujhe jine ka sahaara to mila

aur kya chahiye ai dil gham-e-jaanan ke tufail

kahkashan aah ko palkon ko sitara to mila

shukriya mujh ko nigahon se girane wale

girte girte teri banhon ka sahaara to mila

naKHuda se na sahi nam-e-KHuda se ai dost

meri TuTi hui kashti ko sahaara to mila

aap in aankhon ki nadiyon ko milega sangam

apne daman pe zara dhaare se dhaara to mila

tur ke barq-e-tajalli ne kiya KHak magar

nigah-e-shauq ko halka sa ishaara to mila

be-ruKHi un ki giran lakh sahi phir bhi 'muhib'

dil ko taqat to mili zabt ko yara to mila