wo namaz-e-ishq hi kya jo salam tak na pahunche

vo namāz-e-ishq hī kyā jo salām tak na pahuñche

ki qu.uud se jo guzre to qayām tak na pahuñche

vo hayāt kyā ki jis meñ na ḳhushī ke saath ġham ho

vo sahar bhī kyā sahar hai ki jo shaam tak na pahuñche

tire mai-kade kā saaqī ye chalan bhī kyā chalan hai

ki jo haath tishna-kāmoñ ke bhī jaam tak na pahuñche

marī nā-murādiyoñ kī yahī intihā hai shāyad

tirī bārgāh-e-ālī meñ salām tak na pahuñche

use apnī bad-nasībī na kaheñ to phir kaheñ kyā

ki hazār koshishoñ par rah-e-ām tak na pahuñche

ye muḳhāsamat ke jazbe ye mahāz hāsidoñ ke

magar umr bhar vo 'zauqī' ke maqām tak na pahuñche

wo namaz-e-ishq hi kya jo salam tak na pahunche

ki quud se jo guzre to qayam tak na pahunche

wo hayat kya ki jis mein na KHushi ke sath gham ho

wo sahar bhi kya sahar hai ki jo sham tak na pahunche

tere mai-kade ka saqi ye chalan bhi kya chalan hai

ki jo hath tishna-kaamon ke bhi jam tak na pahunche

mari na-muradiyon ki yahi intiha hai shayad

teri bargah-e-ali mein salam tak na pahunche

use apni bad-nasibi na kahen to phir kahen kya

ki hazar koshishon par rah-e-am tak na pahunche

ye muKHasamat ke jazbe ye mahaz hasidon ke

magar umr bhar wo 'zauqi' ke maqam tak na pahunche