wo naqab-e-ruKH uTha kar kabhi baam tak na pahunche

vo naqāb-e-ruḳh uThā kar kabhī baam tak na pahuñche

vo karam bhī kyā karam hai jo avaam tak na pahuñche

ye shabāb ik balā hai miirī tujh se iltijā hai

dil-e-zār koī tohmat mire naam tak na pahuñche

mirī har ḳhushī hai ai dil mire ġham kī ik nishānī

vo sahar sahar nahīñ hai ki jo shaam tak na pahuñche

vo tuyūr ḳhaak samjhe par-o-bāl kī haqīqat

jo nikal kar āshiyāñ se kabhī daam tak na pahuñche

tire pāsbāñ ko mujh se koī ḳhaas hai adāvat

maiñ payām tujh ko bhejūñ to salām tak na pahuñche

tujhe murġh-e-dil mubārak ye talāsh-e-dāna lekin

ye talāsh rafta rafta kahīñ daam tak na pahuñche

rahe kyoñ na un se shikva mujhe kam-nigāhiyoñ kā

mirā ḳhat paḌhā bhī lekin mire naam tak na pahuñche

ye hai rāz-e-ishq 'sāhir' ise kyoñ chhupā rahe ho

ye vo baat hī nahīñ hai jo avaam tak na pahuñche

wo naqab-e-ruKH uTha kar kabhi baam tak na pahunche

wo karam bhi kya karam hai jo awam tak na pahunche

ye shabab ek bala hai meri tujh se iltija hai

dil-e-zar koi tohmat mere nam tak na pahunche

meri har KHushi hai ai dil mere gham ki ek nishani

wo sahar sahar nahin hai ki jo sham tak na pahunche

wo tuyur KHak samjhe par-o-baal ki haqiqat

jo nikal kar aashiyan se kabhi dam tak na pahunche

tere pasban ko mujh se koi KHas hai adawat

main payam tujh ko bhejun to salam tak na pahunche

tujhe murgh-e-dil mubarak ye talash-e-dana lekin

ye talash rafta rafta kahin dam tak na pahunche

rahe kyon na un se shikwa mujhe kam-nigahiyon ka

mera KHat paDha bhi lekin mere nam tak na pahunche

ye hai raaz-e-ishq 'sahir' ise kyon chhupa rahe ho

ye wo baat hi nahin hai jo awam tak na pahunche