wo ru-ba-ru hon to ye kaif-e-iztirab na ho

vo rū-ba-rū hoñ to ye kaif-e-iztirāb na ho

ḳhudā kare nigah-e-shauq kāmyāb na ho

savāl kyā ho ki un kī ḳhamosh nazroñ meñ

na de sake jo vo ab tak vahī javāb na ho

ye kyā gumāñ hai ki vaqt-e-sahar kī bedārī

jo raat biit chukī hai usī kā ḳhvāb na ho

ye inhitāt-e-junūñ ye ḳhirad kī sust-ravī

kahīñ ye ḳhāmushī az-qabl-e-inqalāb na ho

kahīñ junūñ meñ ye merā kamāl-e-hosh-o-ḳhirad

tirī nigāh-e-taġhāful kā pech-o-tāb na ho

junūn-e-ġham hai mirā parda-e-hijāb se duur

ki lā-javāb tirā husn-e-lā-javāb na ho

sunā hai vo ruḳh-e-zebā naqāb meñ hai 'sahāb'

kahīñ ye hasti-e-mauhūm hī naqāb na ho

wo ru-ba-ru hon to ye kaif-e-iztirab na ho

KHuda kare nigah-e-shauq kaamyab na ho

sawal kya ho ki un ki KHamosh nazron mein

na de sake jo wo ab tak wahi jawab na ho

ye kya guman hai ki waqt-e-sahar ki bedari

jo raat bit chuki hai usi ka KHwab na ho

ye inhitat-e-junun ye KHirad ki sust-rawi

kahin ye KHamushi az-qabl-e-inqalab na ho

kahin junun mein ye mera kamal-e-hosh-o-KHirad

teri nigah-e-taghaful ka pech-o-tab na ho

junun-e-gham hai mera parda-e-hijab se dur

ki la-jawab tera husn-e-la-jawab na ho

suna hai wo ruKH-e-zeba naqab mein hai 'sahab'

kahin ye hasti-e-mauhum hi naqab na ho