wo ruTha to mujhko hansi aai bas

vo rūThā to mujh ko hañsī aa.ī bas

ghulā us ke ġhusse meñ hai prem-ras

milan kī vo bārish thī biite baras

nahīñ jā rahī hai ye zālim umas

ye kahlāyā maiñ ne dikhā ik jhalak

ḳhabar ye milī vo nahīñ Tas se mas

vo jism-e-hasīñ muskurātā huā

sharārat se merī phaḌaktī hai nas

vo manzil usī kī taraf kārvāñ

usī kī hai āvāz bāñg-e-jaras

vaqār-e-ta'alluq isī meñ to hai

na us meñ havas aur na mujh meñ havas

ḳhilāf-e-tavaqqo’ vo aaya yahāñ

mire ghar se ḳhushiyāñ huiiñ ḳhuub mas

'suhail' us se māñgā thā maiñ ne to ek

ye us kī adā de diye us ne das

wo ruTha to mujh ko hansi aai bas

ghula us ke ghusse mein hai prem-ras

milan ki wo barish thi bite baras

nahin ja rahi hai ye zalim umas

ye kahlaya main ne dikha ek jhalak

KHabar ye mili wo nahin Tas se mas

wo jism-e-hasin muskuraata hua

shararat se meri phaDakti hai nas

wo manzil usi ki taraf karwan

usi ki hai aawaz bang-e-jaras

waqar-e-ta'alluq isi mein to hai

na us mein hawas aur na mujh mein hawas

KHilaf-e-tawaqqo’ wo aaya yahan

mere ghar se KHushiyan huin KHub mas

'suhail' us se manga tha main ne to ek

ye us ki ada de diye us ne das