wo shaKH-e-gul ki tarah mausam-e-tarab ki tarah

vo shāḳh-e-gul kī tarah mausam-e-tarab kī tarah

maiñ apne dasht meñ tanhā charāġh-e-shab kī tarah

ḳhayāl-o-fikr kī sachchā.iyāñ bhī shāmil haiñ

mire lahū meñ mire shajara-e-nasab kī tarah

vo apnī ḳhalvat-e-jāñ se pukārtā hai mujhe

maiñ chāhtā huuñ use harf-e-zer-e-lab kī tarah

ḳhushā ye daur ki vo bhī hai saath saath mire

mire ḳhayāl kī sūrat mirī talab kī tarah

maiñ apne ahd kī āvāz-e-nā-rasā hī sahī

dhaḌak rahā huuñ diloñ meñ sukūt-e-shab kī tarah

na khil ke ser huā maiñ na jal ke raakh huā

ki merī pyaas bhī hai tere rañg-e-lab kī tarah

wo shaKH-e-gul ki tarah mausam-e-tarab ki tarah

main apne dasht mein tanha charagh-e-shab ki tarah

KHayal-o-fikr ki sachchaiyan bhi shamil hain

mere lahu mein mere shajara-e-nasab ki tarah

wo apni KHalwat-e-jaan se pukarta hai mujhe

main chahta hun use harf-e-zer-e-lab ki tarah

KHusha ye daur ki wo bhi hai sath sath mere

mere KHayal ki surat meri talab ki tarah

main apne ahd ki aawaz-e-na-rasa hi sahi

dhaDak raha hun dilon mein sukut-e-shab ki tarah

na khil ke ser hua main na jal ke rakh hua

ki meri pyas bhi hai tere rang-e-lab ki tarah