wo shab-shikan se naya aaftab nikla hai

vo shab-shikan se nayā āftāb niklā hai

lahū kī shāḳh pe tanhā gulāb niklā hai

mirī kitāb meñ jis kā koī nishāñ bhī nahīñ

usī ke naam magar intisāb niklā hai

jahāñ jahāñ mujhe chāhā thā tū ne ḳharch kiyā

isī lihāz se merā hisāb niklā hai

na saikḌoñ na hazāroñ na laakh kī bāteñ

vo intiḳhāb meñ bhī intiḳhāb niklā hai

jo dūsroñ ke ta.āqub meñ roz-o-shab kaaTe

usī ke ghar se nayā ehtisāb niklā hai

shajar shajar hue shādāb phuul phal aa.e

na.e safar pe agar inqalāb niklā hai

kuchh aise vaqt ne luuTā shabāb tak us kā

usī kī khoj meñ ḳhāna-ḳharāb niklā hai

wo shab-shikan se naya aaftab nikla hai

lahu ki shaKH pe tanha gulab nikla hai

meri kitab mein jis ka koi nishan bhi nahin

usi ke nam magar intisab nikla hai

jahan jahan mujhe chaha tha tu ne KHarch kiya

isi lihaz se mera hisab nikla hai

na saikDon na hazaron na lakh ki baaten

wo intiKHab mein bhi intiKHab nikla hai

jo dusron ke taaqub mein roz-o-shab kaTe

usi ke ghar se naya ehtisab nikla hai

shajar shajar hue shadab phul phal aae

nae safar pe agar inqalab nikla hai

kuchh aise waqt ne luTa shabab tak us ka

usi ki khoj mein KHana-KHarab nikla hai