wo shabab Dhal ke guzar gaya wo jigar wo zauq-o-nazar gai

vo shabāb Dhal ke guzar gayā vo jigar vo zauq-o-nazar ga.ī

koī kyoñ ginā.e vo dāstāñ jo guzar ga.ī so guzar ga.ī

mirī bazm meñ koī bhuul kar na kare vafāoñ pe tazkira

ye ḳhayāl dil se dhuāñ huā ye du'ā nazar se utar ga.ī

kahīñ tere ghar kā pata milā maiñ anā sameT ke chal diyā

jo bhī raah thī tire shahr tak mire ābloñ se sañvar ga.ī

ka.ī hādsoñ kā husūl haiñ ye mire mizāj kī talḳhiyāñ

vo mirī nazākat-e-guftugū kisī ġham kī oT meñ mar ga.ī

mirā zo'f ab kā fasāna hai pe ye kal kī baat hai shām-e-ġham

tirī vahshatoñ ke hisār tak mire hausloñ kī ḳhabar ga.ī

kabhī taaq shab kabhī nīm-shab vo har ik du'ā tire vasl kī

kahīñ bijliyoñ se ulajh ga.ī kahīñ bādaloñ meñ Thahar ga.ī

wo shabab Dhal ke guzar gaya wo jigar wo zauq-o-nazar gai

koi kyon ginae wo dastan jo guzar gai so guzar gai

meri bazm mein koi bhul kar na kare wafaon pe tazkira

ye KHayal dil se dhuan hua ye du'a nazar se utar gai

kahin tere ghar ka pata mila main ana sameT ke chal diya

jo bhi rah thi tere shahr tak mere aablon se sanwar gai

kai hadson ka husul hain ye mere mizaj ki talKHiyan

wo meri nazakat-e-guftugu kisi gham ki oT mein mar gai

mera zo'f ab ka fasana hai pe ye kal ki baat hai sham-e-gham

teri wahshaton ke hisar tak mere hauslon ki KHabar gai

kabhi taq shab kabhi nim-shab wo har ek du'a tere wasl ki

kahin bijliyon se ulajh gai kahin baadalon mein Thahar gai