wo shahr bhul jao wo baam bhul jao

vo shahr bhuul jaao vo baam bhuul jaao

jis shaam ko mile the vo shaam bhuul jaao

sūrat bhulā dī tum ne ab naam bhuul jaao

aur jaan ke hameñ tum gumnām bhuul jaao

shāyad nahīñ dubāra milnā nasīb meñ hai

donoñ ne jo piyā thā vo jaam bhuul jaao

ulfat kī dāstāñ meñ honā agar amar hai

kirdār meñ Dhalo tum ye naam bhuul jaao

jo saath saath ham ne jān-e-jahāñ guzāre

vo sub.h bhuul jaao vo shaam bhuul jaao

mil ke raheñge saare amn-o-sukūn se ham

aao gale milo tum ilzām bhuul jaao

chalte raho musalsal manzil kī or 'ash.har'

ye zindagī safar hai ārām bhuul jaao

wo shahr bhul jao wo baam bhul jao

jis sham ko mile the wo sham bhul jao

surat bhula di tum ne ab nam bhul jao

aur jaan ke hamein tum gumnam bhul jao

shayad nahin dubara milna nasib mein hai

donon ne jo piya tha wo jam bhul jao

ulfat ki dastan mein hona agar amar hai

kirdar mein Dhalo tum ye nam bhul jao

jo sath sath hum ne jaan-e-jahan guzare

wo subh bhul jao wo sham bhul jao

mil ke rahenge sare amn-o-sukun se hum

aao gale milo tum ilzam bhul jao

chalte raho musalsal manzil ki or 'ashhar'

ye zindagi safar hai aaram bhul jao