wo shaKHs aaj mujhko ek aaina dikha gaya

vo shaḳhs aaj mujh ko ek aa.ina dikhā gayā

talab ke bhī usuul haiñ yahī mujhe batā gayā

ye qā.ede kī baat thī talab mirī bhī shaad ho

zarā sā thā mutālba vo be-nuqat sunā gayā

shabān-e-hijr meñ mirā jo ham-nafas banā rahā

visāl-rut jab aa ga.ī vo merā āshnā gayā

arab ke regzār meñ chhupī huī bahār thī

uThā jab ek shaḳhs to gulāb sab khilā gayā

nayā nayā sā ahd hai na.ī na.ī rivāyateñ

kitāb meñ vo pankhuḌī kā silsila chalā gayā

maiñ ek dhuñdle aks ko lapak rahā thā ḳhvāb meñ

vo bachpane sā lag rahā thā jo gayā gayā gayā

vo dard-āshnā mirā vo ham-nafas vo ham-nashīñ

zarā sī baat par mujhe hī ajnabī banā gayā

janāb-e-'dānish-asrī’ aap sochnā hī chhoḌ deñ

kahīñ rukā nahīñ hai vo ba-hadd-e-intihā gayā

wo shaKHs aaj mujh ko ek aaina dikha gaya

talab ke bhi usul hain yahi mujhe bata gaya

ye qaede ki baat thi talab meri bhi shad ho

zara sa tha mutalba wo be-nuqat suna gaya

shaban-e-hijr mein mera jo ham-nafas bana raha

visal-rut jab aa gai wo mera aashna gaya

arab ke regzar mein chhupi hui bahaar thi

uTha jab ek shaKHs to gulab sab khila gaya

naya naya sa ahd hai nai nai riwayaten

kitab mein wo pankhuDi ka silsila chala gaya

main ek dhundle aks ko lapak raha tha KHwab mein

wo bachpane sa lag raha tha jo gaya gaya gaya

wo dard-ashna mera wo ham-nafas wo ham-nashin

zara si baat par mujhe hi ajnabi bana gaya

janab-e-'danish-asri’ aap sochna hi chhoD den

kahin ruka nahin hai wo ba-hadd-e-intiha gaya