wo shaKHs mere dil se nikal hi nahin raha

vo shaḳhs mere dil se nikal hī nahīñ rahā

dil hai ki apnī zid se pighal hī nahīñ rahā

ab vaqt kā tamāsha to khul hī nahīñ rahā

jis kal meñ jī rahā thā vo kal hī nahīñ rahā

vo jītnā jo chāhe to baazī ko jiit le

lekin jo vasvasoñ se nikal hī nahīñ rahā

chakkar meñ paḌ gayā hai jo dhoke se 'ishq ke

phir us kī uljhanoñ se nikal hī nahīñ rahā

ghaḌiyāñ badal badal ke bhī dekhīñ haiñ sub.h shaam

kaisā ye vaqt hai jo badal hī nahīñ rahā

manzar dikhā.ūñ aur maiñ 'ibrat ke kis qadar

insān hai ki ab bhī sañbhal hī nahīñ rahā

masjid meñ be-dilī se azaañ de rahā hai kaun

shaitān koī ghar se nikal hī nahīñ rahā

dhoke se ek sikka jo khoTā nikal gayā

ab kyā karūñ maiñ is kā ki chal hī nahīñ rahā

baazī Tikī huī hai mirī aglī chaal par

to jaao phir ye chaal maiñ chal hī nahīñ rahā

ab kyoñ dikhā rahe ho ye manzil kā rāsta

'mas’ūd' tere saath maiñ chal hī nahīñ rahā

dushman ke naam ke to din aate hī Dhal ga.e

'mas’ūd' kā zamāna to Dhal hī nahīñ rahā

wo shaKHs mere dil se nikal hi nahin raha

dil hai ki apni zid se pighal hi nahin raha

ab waqt ka tamasha to khul hi nahin raha

jis kal mein ji raha tha wo kal hi nahin raha

wo jitna jo chahe to bazi ko jit le

lekin jo waswason se nikal hi nahin raha

chakkar mein paD gaya hai jo dhoke se 'ishq ke

phir us ki uljhanon se nikal hi nahin raha

ghaDiyan badal badal ke bhi dekhin hain subh sham

kaisa ye waqt hai jo badal hi nahin raha

manzar dikhaun aur main 'ibrat ke kis qadar

insan hai ki ab bhi sanbhal hi nahin raha

masjid mein be-dili se azan de raha hai kaun

shaitan koi ghar se nikal hi nahin raha

dhoke se ek sikka jo khoTa nikal gaya

ab kya karun main is ka ki chal hi nahin raha

bazi Tiki hui hai meri agli chaal par

to jao phir ye chaal main chal hi nahin raha

ab kyon dikha rahe ho ye manzil ka rasta

'mas’ud' tere sath main chal hi nahin raha

dushman ke nam ke to din aate hi Dhal gae

'mas’ud' ka zamana to Dhal hi nahin raha