wo shiddat-e-alam hai dua ko taras gae

vo shiddat-e-alam hai duā ko taras ga.e

sāz-e-shikasta haiñ ki sadā ko taras ga.e

kab se khilā nahīñ chaman-e-ḳhūn-e-dil na pūchh

rang-e-hinā-o-dast-e-hinā ko taras ga.e

yā apne dam-qadam se thī nashv-o-numā-e-zīst

yā zindagī kī āb-o-havā ko taras ga.e

har samt hai jahāñ meñ kudūrat bharī huī

muddat se ahl-e-sidq-o-safā ko taras ga.e

yā har adā-e-zīst hamāre hī dam se thī

yā ham hī zindagī kī adā ko taras ga.e

sajtī hai kab vo mahfil-e-yārāñ ki aah ham

yārān-e-ham-nafas kī sadā ko taras ga.e

ai sakinān-e-shahr-e-mohabbat kahāñ ho tum

bazm-e-ḳhulūs-o-bazm-e-vafā ko taras ga.e

wo shiddat-e-alam hai dua ko taras gae

saz-e-shikasta hain ki sada ko taras gae

kab se khila nahin chaman-e-KHun-e-dil na puchh

rang-e-hina-o-dast-e-hina ko taras gae

ya apne dam-qadam se thi nashw-o-numa-e-zist

ya zindagi ki aab-o-hawa ko taras gae

har samt hai jahan mein kudurat bhari hui

muddat se ahl-e-sidq-o-safa ko taras gae

ya har ada-e-zist hamare hi dam se thi

ya hum hi zindagi ki ada ko taras gae

sajti hai kab wo mahfil-e-yaran ki aah hum

yaran-e-ham-nafas ki sada ko taras gae

ai sakinan-e-shahr-e-mohabbat kahan ho tum

bazm-e-KHulus-o-bazm-e-wafa ko taras gae