wo shoalagi wo soz-e-darun kaun le gaya

vo sho.alagī vo soz-e-darūñ kaun le gayā

mujh se mirī matā-e-junūñ kaun le gayā

hoñToñ pe bād-e-marg tabassum ko dekhiye

ahl-e-junūñ kā hāl-e-zabūñ kaun le gayā

kis ne chaman ujaaḌ diyā tere husn kā

ai dost terā saarā fusūñ kaun le gayā

taarī jahāñ pe zulmat-e-jahl-o-fasād hai

ilm-o-amal se jazb-e-darūñ kaun le gayā

'ġhālib' bhī nahīñ 'mīr' nahīñ 'dāġh' bhī nahīñ

ash.ār-e-nau se sehr-o-fusūñ kaun le gayā

'sāqī' vahī hai mai bhī vahī mai-kada vahī

phir dil se tere josh-e-junūñ kaun le gayā

wo shoalagi wo soz-e-darun kaun le gaya

mujh se meri mata-e-junun kaun le gaya

honTon pe baad-e-marg tabassum ko dekhiye

ahl-e-junun ka haal-e-zabun kaun le gaya

kis ne chaman ujaD diya tere husn ka

ai dost tera sara fusun kaun le gaya

tari jahan pe zulmat-e-jahl-o-fasad hai

ilm-o-amal se jazb-e-darun kaun le gaya

'ghaalib' bhi nahin 'mir' nahin 'dagh' bhi nahin

ashaar-e-nau se sehr-o-fusun kaun le gaya

'saqi' wahi hai mai bhi wahi mai-kada wahi

phir dil se tere josh-e-junun kaun le gaya