wo subh ka nikla hua shab tak nahin aaya

vo sub.h kā niklā huā shab tak nahīñ aaya

kyā baat huī aisī ki ab tak nahīñ aaya

us ne to bichhaḌ ke nahīñ bhejā koī ḳhat bhī

kyoñ us kī ḳhamoshī kā sabab tak nahīñ aaya

ham us ke liye raah meñ muddat se khaḌe haiñ

ik vo hai ki is moḌ pe ab tak nahīñ aaya

vo jām-ba-kaf aa to rahā thā mirī jānib

vo jaam magar mere hī lab tak nahīñ aaya

maiñ ne to qasīde bhī ka.ī likkhe the 'sāqib'

par merā qalam husn-e-talab tak nahīñ aaya

wo subh ka nikla hua shab tak nahin aaya

kya baat hui aisi ki ab tak nahin aaya

us ne to bichhaD ke nahin bheja koi KHat bhi

kyon us ki KHamoshi ka sabab tak nahin aaya

hum us ke liye rah mein muddat se khaDe hain

ek wo hai ki is moD pe ab tak nahin aaya

wo jam-ba-kaf aa to raha tha meri jaanib

wo jam magar mere hi lab tak nahin aaya

main ne to qaside bhi kai likkhe the 'saqib'

par mera qalam husn-e-talab tak nahin aaya