wo tasawwur mein aate rahe der tak

vo tasavvur meñ aate rahe der tak

ham ġhazal gungunāte rahe der tak

ek hī saath raushan hue the magar

kuchh diye jhilmilāte rahe der tak

jaane kab ke chale bhī ga.e vo magar

rāste jagmagāte rahe der tak

paḌh na leñ shahr ke log chehre kā ġham

is liye muskurāte rahe der tak

chand ahbāb 'tābāñ' jahāñ mil ga.e

apnī apnī sunāte rahe der tak

wo tasawwur mein aate rahe der tak

hum ghazal gungunate rahe der tak

ek hi sath raushan hue the magar

kuchh diye jhilmilate rahe der tak

jaane kab ke chale bhi gae wo magar

raste jagmagate rahe der tak

paDh na len shahr ke log chehre ka gham

is liye muskuraate rahe der tak

chand ahbab 'taban' jahan mil gae

apni apni sunate rahe der tak