wo uThe to bahut ghar se apne mere ghar mein magar kabhi aa na sake

vo uThe to bahut ghar se apne mire ghar meñ magar kabhī aa na sake

vo nasīm-e-murād chale bhī to kyā ki jo ġhuncha-e-dil ko khilā na sake

shab-o-roz jo rahte the pesh-e-nazar baḌe lutf se hotī thī jin meñ basar

ye ḳhabar nahīñ jā ke rahe vo kidhar ki ham un kā nishān bhī pā na sake

ye mire hī na aane kā sab hai asar ki raqīboñ se dabte ho aaTh pahar

mire haal pe chashm-e-karam jo rahe koī aap se aañkh milā na sake

kiyā jazba-e-ishq ne mere asar rahī ġhairat-e-husn pe un kī nazar

pas-e-parda sadā to sunā.ī mujhe magar apnā jamāl dikhā na sake

rahā shohra-e-'ishq kā yaañ mujhe Dar unheñ apne parā.e kā ḳhauf-o-ḳhatar

rahīñ dil hī meñ hasrateñ donoñ taraf jo maiñ jā na sakā to vo aa na sake

vahī dil kī taḌap vahī dard-e-jigar huā tauba-e-'ishq kā kuchh na asar

tirī shakl jo āñkhoñ meñ phirtī rahī tirī yaad bhī dil se bhulā na sake

hai ḳhudā kī janāb meñ sub.h-o-masā yahī 'akbar'-e-ḳhasta-jigar kī du'ā

ki hamāre sivā but-e-hosh-rubā koī siine se tujh ko lagā na sake

wo uThe to bahut ghar se apne mere ghar mein magar kabhi aa na sake

wo nasim-e-murad chale bhi to kya ki jo ghuncha-e-dil ko khila na sake

shab-o-roz jo rahte the pesh-e-nazar baDe lutf se hoti thi jin mein basar

ye KHabar nahin ja ke rahe wo kidhar ki hum un ka nishan bhi pa na sake

ye mere hi na aane ka sab hai asar ki raqibon se dabte ho aaTh pahar

mere haal pe chashm-e-karam jo rahe koi aap se aankh mila na sake

kiya jazba-e-ishq ne mere asar rahi ghairat-e-husn pe un ki nazar

pas-e-parda sada to sunai mujhe magar apna jamal dikha na sake

raha shohra-e-'ishq ka yan mujhe Dar unhen apne parae ka KHauf-o-KHatar

rahin dil hi mein hasraten donon taraf jo main ja na saka to wo aa na sake

wahi dil ki taDap wahi dard-e-jigar hua tauba-e-'ishq ka kuchh na asar

teri shakl jo aankhon mein phirti rahi teri yaad bhi dil se bhula na sake

hai KHuda ki janab mein subh-o-masa yahi 'akbar'-e-KHasta-jigar ki du'a

ki hamare siwa but-e-hosh-ruba koi sine se tujh ko laga na sake