wo wafur-e-lala-o-gul nahin wo nashat-e-qalb-o-nazar nahin

vo vafūr-e-lāla-o-gul nahīñ vo nashāt-e-qalb-o-nazar nahīñ

jo iram-ba-kaf thī dam-e-sahar vo bahār-e-shāḳh-o-shajar nahīñ

ye zamāna fursat-e-ġham agar mujhe de to maiñ bhī dikhā sakūñ

ki tajalliyāñ mire shauq kī faqat ek raqs-e-sharar nahīñ

tirī yaad bā.is-e-rāhat-e-tapish-e-ḳhayāl to hai magar

maiñ hujūm-e-shauq ko kyā karūñ mire bas meñ dīda-e-tar nahīñ

ye razā-e-yār kā paas hai ki ye sāzisheñ haiñ havās kī

mire dil meñ soz-e-fuġhāñ to hai mire lab pe āh-e-sahar nahīñ

mirā shauq ābla-pā sahī mirī raah rāh-e-fanā sahī

jo tirā ḳhayāl ho rāhbar to añdherī raat kā Dar nahīñ

tū kamāl-e-shauq se saaz uThā mirī jaan tāroñ ke giit gā

tirī bazm-gāh-e-tarab meñ ab kisī dil-jale kā guzar nahīñ

wo wafur-e-lala-o-gul nahin wo nashat-e-qalb-o-nazar nahin

jo iram-ba-kaf thi dam-e-sahar wo bahaar-e-shaKH-o-shajar nahin

ye zamana fursat-e-gham agar mujhe de to main bhi dikha sakun

ki tajalliyan mere shauq ki faqat ek raqs-e-sharar nahin

teri yaad bais-e-rahat-e-tapish-e-KHayal to hai magar

main hujum-e-shauq ko kya karun mere bas mein dida-e-tar nahin

ye raza-e-yar ka pas hai ki ye sazishen hain hawas ki

mere dil mein soz-e-fughan to hai mere lab pe aah-e-sahar nahin

mera shauq aabla-pa sahi meri rah rah-e-fana sahi

jo tera KHayal ho rahbar to andheri raat ka Dar nahin

tu kamal-e-shauq se saz uTha meri jaan taron ke git ga

teri bazm-gah-e-tarab mein ab kisi dil-jale ka guzar nahin