wusaten mahdud hain idrak-e-insan ke liye

vus'ateñ mahdūd haiñ idrāk-e-insāñ ke liye

varna har zarra hai duniyā chashm-e-irfāñ ke liye

ai ḳhizāñ tū shauq ke saarā chaman barbād kar

chand phāñseñ chhoḌ jā merī rag-e-jāñ ke liye

duur pahuñchīñ shohrateñ raftār sahar-āsār kī

khul ga.e raste tire husn-e-ḳhirāmāñ ke liye

phuul gulshan ke nahīñ to ḳhāk-e-sahrā hī sahī

kuchh na kuchh to chāhiye taskīn-e-dāmāñ ke liye

is liye detā huuñ dil tum ko ki lo aur bhuul jaao

maiñ ne ik tasvīr dī hai tāq-e-nisyāñ ke liye

dhajjiyāñ uḌne ko ai 'sīmāb' vus'at chāhiye

hai koī maidān āshob-e-garebāñ ke liye

wus'aten mahdud hain idrak-e-insan ke liye

warna har zarra hai duniya chashm-e-irfan ke liye

ai KHizan tu shauq ke sara chaman barbaad kar

chand phansen chhoD ja meri rag-e-jaan ke liye

dur pahunchin shohraten raftar sahar-asar ki

khul gae raste tere husn-e-KHiraman ke liye

phul gulshan ke nahin to KHak-e-sahra hi sahi

kuchh na kuchh to chahiye taskin-e-daman ke liye

is liye deta hun dil tum ko ki lo aur bhul jao

main ne ek taswir di hai taq-e-nisyan ke liye

dhajjiyan uDne ko ai 'simab' wus'at chahiye

hai koi maidan aashob-e-gareban ke liye