ya to tariKH ki azmat se lipaT kar so ja

yā to tārīḳh kī azmat se lipaT kar so jā

yā kisī TuuTe hue but se chimaT kar so jā

nanhā bachcha hai to aa maañ ke ghane āñchal meñ

raat kī chhalnī saḌak hī se lipaT kar so jā

har ghaḌī shor machātī huī maḳhlūq ke beach

apne hone ke yaqīñ se zarā haT kar so jā

niiñd uḌne kā maza tū bhī chakhā de un ko

chaal makkār sitāroñ kī ulaT kar so jā

oḌh le saare badan par tū havā kī chādar

aur tūfān kī bāñhoñ meñ simaT kar so jā

ai ḳhalīfa ai na.e vaqt ke hārūn-rashīd

to rivāyāt-e-shab-e-adl se kaT kar so jā

ya to tariKH ki azmat se lipaT kar so ja

ya kisi TuTe hue but se chimaT kar so ja

nanha bachcha hai to aa man ke ghane aanchal mein

raat ki chhalni saDak hi se lipaT kar so ja

har ghaDi shor machati hui maKHluq ke beach

apne hone ke yaqin se zara haT kar so ja

nind uDne ka maza tu bhi chakha de un ko

chaal makkar sitaron ki ulaT kar so ja

oDh le sare badan par tu hawa ki chadar

aur tufan ki banhon mein simaT kar so ja

ai KHalifa ai nae waqt ke haarun-rashid

to riwayat-e-shab-e-adl se kaT kar so ja