yaad-e-mazi ke ujalon mein bahut der talak

yād-e-māzī ke ujāloñ meñ bahut der talak

Duubā rahtā huuñ ḳhayāloñ meñ bahut der talak

naam se bhī mire vāqif nahīñ hotā koī

vo jo rahte na havāloñ meñ bahut der talak

jab bhī un gāloñ ke girdāb pe paḌtī hai nazar

ġharq rahtā huuñ ḳhayāloñ meñ bahut der talak

muztarib rahtī haiñ aahaT pe chamak jaatī haiñ

kaun rah paa.e ġhazāloñ meñ bahut der talak

naġhma-o-sāz kī tāsīr tilsmātī hai

guuñj rahtī hai shivāloñ meñ bahut der talak

fazl-e-rab jaan ke jab khātā huuñ rūkhī-sūkhī

lutf aatā hai nivāloñ meñ bahut der talak

ḳhūbī-e-sher ke charche bhī rahe ḳhuub 'sahar'

aap ke chāhne vāloñ meñ bahut der talak

yaad-e-mazi ke ujalon mein bahut der talak

Duba rahta hun KHayalon mein bahut der talak

nam se bhi mere waqif nahin hota koi

wo jo rahte na hawalon mein bahut der talak

jab bhi un galon ke girdab pe paDti hai nazar

gharq rahta hun KHayalon mein bahut der talak

muztarib rahti hain aahaT pe chamak jati hain

kaun rah pae ghazalon mein bahut der talak

naghma-o-saz ki tasir tilsmati hai

gunj rahti hai shiwalon mein bahut der talak

fazl-e-rab jaan ke jab khata hun rukhi-sukhi

lutf aata hai niwalon mein bahut der talak

KHubi-e-sher ke charche bhi rahe KHub 'sahar'

aap ke chahne walon mein bahut der talak