yaad-e-mazi ye kya kiya tu ne
yād-e-māzī ye kyā kiyā tū ne
hañste hañste rulā diyā tū ne
muskurā kar mizāj kyā pūchhā
dukhtī rag ko dabā diyā tū ne
rañg-o-bū meñ bhī dilkashī na rahī
rañg aisā chaḌhā diyā tū ne
marhabā ai ḳhayāl-e-zulf-e-butāñ
ujḌe ghar ko basā diyā tū ne
sub.h-e-ummīd shukriya terā
tīrgī ko miTā diyā tū ne
ġham meñ aayā nazar nashāt kā rañg
ham ko jiinā sikhā diyā tū ne
jis 'nazar' se milā thā pyaar kabhī
us 'nazar' se girā diyā tū ne
yaad-e-mazi ye kya kiya tu ne
hanste hanste rula diya tu ne
muskura kar mizaj kya puchha
dukhti rag ko daba diya tu ne
rang-o-bu mein bhi dilkashi na rahi
rang aisa chaDha diya tu ne
marhaba ai KHayal-e-zulf-e-butan
ujDe ghar ko basa diya tu ne
subh-e-ummid shukriya tera
tirgi ko miTa diya tu ne
gham mein aaya nazar nashat ka rang
hum ko jina sikha diya tu ne
jis 'nazar' se mila tha pyar kabhi
us 'nazar' se gira diya tu ne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
