yaad ne teri kuchh itna kar diya kahil mujhe

yaad ne terī kuchh itnā kar diyā kāhil mujhe

kār-e-duniyā se sabhī kahne lage ġhāfil mujhe

ye haqīqat kā jahāñ to raas ab aatā nahīñ

aa kabhī tū paas aa ḳhvāboñ meñ aa ke mil mujhe

log kahte the kabhī tū bevafā ho jā.egā

yaad aatā hai tirī āñkhoñ meñ kaalā til mujhe

ek tere ism ko kāġhaz pe maiñ likhtī rahūñ

phir bhale saarā jahāñ kahtā rahe jāhil mujhe

har ḳhushī har ġham meñ tere merā bhī to hissa hai

vasl meñ jab saath haiñ kar hijr meñ shāmil mujhe

kaun jaane kaun hai mā'shūq 'āshiq kaun hai

aap ko maiñ ne banāyā aap ne bismil mujhe

yaad ne teri kuchh itna kar diya kahil mujhe

kar-e-duniya se sabhi kahne lage ghafil mujhe

ye haqiqat ka jahan to ras ab aata nahin

aa kabhi tu pas aa KHwabon mein aa ke mil mujhe

log kahte the kabhi tu bewafa ho jaega

yaad aata hai teri aankhon mein kala til mujhe

ek tere ism ko kaghaz pe main likhti rahun

phir bhale sara jahan kahta rahe jahil mujhe

har KHushi har gham mein tere mera bhi to hissa hai

wasl mein jab sath hain kar hijr mein shamil mujhe

kaun jaane kaun hai ma'shuq 'ashiq kaun hai

aap ko main ne banaya aap ne bismil mujhe