yaad phir bhuli hui ek kahani aai

yaad phir bhūlī huī ek kahānī aa.ī

dil huā ḳhuun tabī.at meñ ravānī aa.ī

sub.h-e-nau naġhma-ba-lab hai magar ai Dūbtī raat

mere hisse meñ tirī marsiya-ḳhvānī aa.ī

zard-rū thā kisī sadme se ubhartā sūraj

ye ḳhabar Dūbte tāroñ kī zabānī aa.ī

har na.ī rut meñ ham afsurda o dil-gīr rahe

yā to guzre hue mausam kī javānī aa.ī

pā ga.e zindagi-e-nau ka.ī miTte hue rañg

zehn meñ jab koī tasvīr purānī aa.ī

ḳhushk pattoñ ko chaman se ye samajh kar chun lo

haath shādābi-e-rafta kī nishānī aa.ī

yaad kā chāñd jo ubhrā to ye āñkheñ huiiñ nam

ġham kī Thahrī huī naddī meñ ravānī aa.ī

dil ba-zāhir hai subuk-dosh-e-tamannā 'maḳhmūr'

phir tabī.at meñ kahāñ kī ye girānī aa.ī

yaad phir bhuli hui ek kahani aai

dil hua KHun tabiat mein rawani aai

subh-e-nau naghma-ba-lab hai magar ai Dubti raat

mere hisse mein teri marsiya-KHwani aai

zard-ru tha kisi sadme se ubharta suraj

ye KHabar Dubte taron ki zabani aai

har nai rut mein hum afsurda o dil-gir rahe

ya to guzre hue mausam ki jawani aai

pa gae zindagi-e-nau kai miTte hue rang

zehn mein jab koi taswir purani aai

KHushk patton ko chaman se ye samajh kar chun lo

hath shadabi-e-rafta ki nishani aai

yaad ka chand jo ubhra to ye aankhen huin nam

gham ki Thahri hui naddi mein rawani aai

dil ba-zahir hai subuk-dosh-e-tamanna 'maKHmur'

phir tabiat mein kahan ki ye girani aai