yaadon ka ajib silsila hai

yādoñ kā ajiib silsila hai

soyā huā dard jaag uThā hai

miT bhī chuke naqsh-e-pā magar dil

mahkī huī chaap sun rahā hai

dīvāreñ khaḌī huī haiñ lekin

andar se makān gir rahā hai

pūchhe hai chaTak ke ġhuncha-e-zaḳhm

ai ajnabī terā naam kyā hai

kis sho.ala-badan kī yaad aa.ī

dāmān-e-ḳhayāl jal uThā hai

sochā hai ye maiñ ne pī ke aksar

nashshe meñ ye raushnī sī kyā hai

qātil ko duā.eñ do ki 'fāriġh'

har zaḳhm-e-vafā ġhazal-sarā hai

yaadon ka ajib silsila hai

soya hua dard jag uTha hai

miT bhi chuke naqsh-e-pa magar dil

mahki hui chap sun raha hai

diwaren khaDi hui hain lekin

andar se makan gir raha hai

puchhe hai chaTak ke ghuncha-e-zaKHm

ai ajnabi tera nam kya hai

kis shoala-badan ki yaad aai

daman-e-KHayal jal uTha hai

socha hai ye main ne pi ke aksar

nashshe mein ye raushni si kya hai

qatil ko duaen do ki 'farigh'

har zaKHm-e-wafa ghazal-sara hai