yan kufr se gharaz hai na islam se gharaz

yaañ kufr se ġharaz hai na islām se ġharaz

bas hai agar ġharaz to tire naam se ġharaz

aish-o-nashāt-e-zīst hai sab aap se husūl

yaañ shīshe se ġharaz hai na hai jaam se ġharaz

tum paas ho agar to barābar hai raat din

kuchh sub.h se ġharaz na hameñ shaam se ġharaz

dil pher dījiye na bigaḌiye huzūr aap

yaañ bose se ġharaz hai na dushnām se ġharaz

paḌ rahne bhar ko dījiye dar par hameñ jagah

rāhat se kuchh ġharaz hai na ārām se ġharaz

āñkheñ dilā milīñ hameñ rone ke vāste

nākāmiyoñ se kaam na hai kaam se ġharaz

'anjum' kā sher kahne se biknā murād hai

tahsīñ se kuchh ġharaz hai na ilzām se ġharaz

yan kufr se gharaz hai na islam se gharaz

bas hai agar gharaz to tere nam se gharaz

aish-o-nashat-e-zist hai sab aap se husul

yan shishe se gharaz hai na hai jam se gharaz

tum pas ho agar to barabar hai raat din

kuchh subh se gharaz na hamein sham se gharaz

dil pher dijiye na bigaDiye huzur aap

yan bose se gharaz hai na dushnam se gharaz

paD rahne bhar ko dijiye dar par hamein jagah

rahat se kuchh gharaz hai na aaram se gharaz

aankhen dila milin hamein rone ke waste

nakaamiyon se kaam na hai kaam se gharaz

'anjum' ka sher kahne se bikna murad hai

tahsin se kuchh gharaz hai na ilzam se gharaz