yani us bewafa sitam-gar ki yaad aane se kuchh nahin hota

ya.anī us bevafā sitam-gar kī yaad aane se kuchh nahīñ hotā

shām-e-hijrāñ udaas hai logo ghar jalāne se kuchh nahīñ hotā

shāhzādī hamārī qismat meñ har nafas TuuT kar bikharnā hai

terī chāragarī-e-ulfat ko āzmāne se kuchh nahīñ hotā

bārhā tujh ko bhuul jaane kī koshisheñ kar ke dekh jaanā hai

yaad rakhnā fuzūl hai jis ko bhuul jaane se kuchh nahīñ hotā

shaam bhī rang bhī havā.eñ bhī dil meñ utrī haiñ kuchh sadā.eñ bhī

par mirī jaan sach kahūñ tujh bin sab zamāne se kuchh nahīñ hotā

apnā ahd-e-vafā bhī toḌ diyā ab to vo shahr us ne chhoḌ diyā

pahan kar niilī shirt ab apnī shahr jaane se kuchh nahīñ hotā

ishq meñ choT khaa.ī hai dil par hijr meñ shab guzārī hai ro kar

shahr vaalo hamārī hālat par varġhalāne se kuchh nahīñ hotā

'pushprāj' apnī zindagī jaise koī beva kā husn ho jis kā

ek daf.a gar siñgār puchh jaa.e phir sajāne se kuchh nahīñ hotā

yani us bewafa sitam-gar ki yaad aane se kuchh nahin hota

sham-e-hijran udas hai logo ghar jalane se kuchh nahin hota

shahzadi hamari qismat mein har nafas TuT kar bikharna hai

teri chaaragari-e-ulfat ko aazmane se kuchh nahin hota

barha tujh ko bhul jaane ki koshishen kar ke dekh jaana hai

yaad rakhna fuzul hai jis ko bhul jaane se kuchh nahin hota

sham bhi rang bhi hawaen bhi dil mein utri hain kuchh sadaen bhi

par meri jaan sach kahun tujh bin sab zamane se kuchh nahin hota

apna ahd-e-wafa bhi toD diya ab to wo shahr us ne chhoD diya

pahan kar nili shirt ab apni shahr jaane se kuchh nahin hota

ishq mein choT khai hai dil par hijr mein shab guzari hai ro kar

shahr walo hamari haalat par warghalane se kuchh nahin hota

'pushpraj' apni zindagi jaise koi bewa ka husn ho jis ka

ek dafa gar singar puchh jae phir sajaane se kuchh nahin hota