yar ke bhes mein mahbub sitamgar nikla

yaar ke bhes meñ mahbūb sitamgar niklā

phuul ham jis ko samajhte the vo patthar niklā

ek roTī ke evaz de gayā jannat kī duā

mere kūche kā bhikārī bhī muḳhayyar niklā

āj-kal aañkh kā dekhā bhī ġhalat hotā hai

jis ko samjhe the apāhij vo tavangar niklā

vaqt kamzor ko shah-zor banā detā hai

shaam ko Duubā magar sub.h meñ ḳhāvar niklā

ghar badalne se bhī taqdīr badal jaatī hai

siip meñ paanī paḌā ban ke vo gauhar niklā

jo mire zehn-o-taḳhayyul meñ bahut ūñchā thā

us kā qad tālib-e-duniyā ke barābar niklā

jis ke zimme thī mire ghar kī hifāzat 'muztar'

dushmanoñ kā mire vo shaḳhs bhī ham-sar niklā

yar ke bhes mein mahbub sitamgar nikla

phul hum jis ko samajhte the wo patthar nikla

ek roTi ke ewaz de gaya jannat ki dua

mere kuche ka bhikari bhi muKHayyar nikla

aaj-kal aankh ka dekha bhi ghalat hota hai

jis ko samjhe the apahij wo tawangar nikla

waqt kamzor ko shah-zor bana deta hai

sham ko Duba magar subh mein KHawar nikla

ghar badalne se bhi taqdir badal jati hai

sip mein pani paDa ban ke wo gauhar nikla

jo mere zehn-o-taKHayyul mein bahut uncha tha

us ka qad talib-e-duniya ke barabar nikla

jis ke zimme thi mere ghar ki hifazat 'muztar'

dushmanon ka mere wo shaKHs bhi ham-sar nikla