yaron ki yariyan hain salamat to marhaba
yāroñ kī yāriyāñ haiñ salāmat to marhabā
hotī rahe jo roz qayāmat to marhabā
ham ko jahān bhar ke alam bhī chalo qubūl
bas aap kī rahe jo ināyat to marhabā
vaise mujhe yaqīn hai phir bhī mire ai dost
terā bhī gar ḳhudā hai mohabbat to marhabā
dīvāna kar ga.ī haiñ tirī muskurāhaTeñ
ye bhī agar hai terī sharārat to marhabā
nāzuk-labī se aap kī inkār to nahīñ
lahje meñ bhī ho thoḌī latāfat to marhabā
yaron ki yariyan hain salamat to marhaba
hoti rahe jo roz qayamat to marhaba
hum ko jahan bhar ke alam bhi chalo qubul
bas aap ki rahe jo inayat to marhaba
waise mujhe yaqin hai phir bhi mere ai dost
tera bhi gar KHuda hai mohabbat to marhaba
diwana kar gai hain teri muskurahaTen
ye bhi agar hai teri shararat to marhaba
nazuk-labi se aap ki inkar to nahin
lahje mein bhi ho thoDi latafat to marhaba
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
