yas ki andhi diwaron mein ek daricha DhunDh liya

yaas kī andhī dīvāroñ meñ ek darīcha DhūñDh liyā

ya.anī ham ne dil ke andar ḳhvāb kā kamra DhūñD liyā

tujh ko kho dene kā dukh bhī zabt kiyā thā ham ne par

TuuT ga.e jab tere badle ham ne duujā DhūñDh liyā

ham ko hī hai shauq bahut ki pyaas kī shiddat jāneñge

varna ham to aise haiñ jab chāhā dariyā DhūñDh liyā

kaliyāñ bhañvre sāgar motī bārish titlī indr-dhanush

tum aa.e to ham ne dil ke andar kyā kyā DhūñDh liyā

ik majnūñ thā sahrā sahrā ḳhvār huā aur ik ham haiñ

ek tamāsha ḳhatm huā to ek tamāsha DhūñDh liyā

duniyā kī Taksāl meñ aakar jaane ham ko kyā sūjhī

sab kuchh chhoḌ ke chāhat kā ik khoTā sikka DhūñDh liyā

yas ki andhi diwaron mein ek daricha DhunDh liya

yani hum ne dil ke andar KHwab ka kamra DhunD liya

tujh ko kho dene ka dukh bhi zabt kiya tha hum ne par

TuT gae jab tere badle hum ne duja DhunDh liya

hum ko hi hai shauq bahut ki pyas ki shiddat jaanenge

warna hum to aise hain jab chaha dariya DhunDh liya

kaliyan bhanwre sagar moti barish titli indr-dhanush

tum aae to hum ne dil ke andar kya kya DhunDh liya

ek majnun tha sahra sahra KHwar hua aur ek hum hain

ek tamasha KHatm hua to ek tamasha DhunDh liya

duniya ki Taksal mein aakar jaane hum ko kya sujhi

sab kuchh chhoD ke chahat ka ek khoTa sikka DhunDh liya