yas ki manzil mein tanhai thi aur kuchh bhi nahin
yas ki manzil mein tanhai thi aur kuchh bhi nahin
Shiv Charan Das Goyal Zabt
MORE BYShiv Charan Das Goyal Zabt
yaas kī manzil meñ tanhā.ī thī aur kuchh bhī nahīñ
jur.at-e-parvāz sharmā.ī thī aur kuchh bhī nahīñ
aaj maiḳhāne meñ izn-e-ām thā saaqī tire
is liye duniyā idhar aa.ī thī aur kuchh bhī nahīñ
aaj merī kashtī-e-tūfāñ-shikan ne dosto
Duub jaane kī qasam khaa.ī thī aur kuchh bhī nahīñ
log jis ko nāg-o-nāgin kā fusūñ kahne lage
tum ne shāyad zulf lahrā.ī thī aur kuchh bhī nahīñ
nuuh kī kashtī salāmat rah ga.ī ham bach ga.e
zāt-e-haq kī rahm-farmā.ī thī aur kuchh bhī nahīñ
manzil-e-sabr-o-razā meñ jab kabhī rakkhā qadam
haath kāñpe ruuh tharrā.ī thī aur kuchh bhī nahīñ
dostoñ ko jab sunāyā 'zabt' ne apnā kalām
ik sadā-e-marhabā aa.ī thī aur kuchh bhī nahīñ
yas ki manzil mein tanhai thi aur kuchh bhi nahin
jurat-e-parwaz sharmai thi aur kuchh bhi nahin
aaj maiKHane mein izn-e-am tha saqi tere
is liye duniya idhar aai thi aur kuchh bhi nahin
aaj meri kashti-e-tufan-shikan ne dosto
Dub jaane ki qasam khai thi aur kuchh bhi nahin
log jis ko nag-o-nagin ka fusun kahne lage
tum ne shayad zulf lahrai thi aur kuchh bhi nahin
nuh ki kashti salamat rah gai hum bach gae
zat-e-haq ki rahm-farmai thi aur kuchh bhi nahin
manzil-e-sabr-o-raza mein jab kabhi rakkha qadam
hath kanpe ruh tharrai thi aur kuchh bhi nahin
doston ko jab sunaya 'zabt' ne apna kalam
ek sada-e-marhaba aai thi aur kuchh bhi nahin
- Book : SAAZ-O-NAVA (Pg. 201)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
