yas ko tegh-e-mashq se kaTe

yaas ko teġh-e-mashq se kaaTe

koī is naam ko likhe kaaTe

merī āñkhoñ ke sāmne kaaTe

jab tirā aks aa.ine kaaTe

zindagī kī zamīn meñ ham ne

ashk bo.e the qahqahe kaaTe

kuchh to raftār bhī mirī kam thī

kuchh duāoñ ne hādse kaaTe

merī āvāz kī rasā.ī ne

ḳhāmushī ke muġhālate kaaTe

saare chālān husn vāloñ ne

ishq ke barrier tale kaaTe

mere būḌhe badan pe tanz na kar

jab javāñ thā baḌe maze kaaTe

koī naqqād hai yahāñ varna

kaT ga.e kaise harf be-kāTe

ham ne kāġhaz ke khet meñ 'hasrat'

fikr boī thī qāfiye kaaTe

yas ko tegh-e-mashq se kaTe

koi is nam ko likhe kaTe

meri aankhon ke samne kaTe

jab tera aks aaine kaTe

zindagi ki zamin mein hum ne

ashk boe the qahqahe kaTe

kuchh to raftar bhi meri kam thi

kuchh duaon ne hadse kaTe

meri aawaz ki rasai ne

KHamushi ke mughaalate kaTe

sare chaalan husn walon ne

ishq ke barrier tale kaTe

mere buDhe badan pe tanz na kar

jab jawan tha baDe maze kaTe

koi naqqad hai yahan warna

kaT gae kaise harf be-kaTe

hum ne kaghaz ke khet mein 'hasrat'

fikr boi thi qafiye kaTe